Aktibatuz osasun komunitarioa sustatzeko ekimen bat da, eta ibiltzearen ekintza ongizate fisiko, mental eta sozialerako tresna bihurtzen du.

Galdakaon bereziak diren bi Osasun Ibilbide diseinatu eta seinalizatu ditugu, ez bakarrik jarduera fisikoa sustatzeko, baita gure komunitatearen funtsezko alderdiak ikusarazteko eta balioesteko ere: emakumeek tokiko historian duten papera eta laguntza-zerbitzu eta -sareen garrantzia.

Ibilbide bakoitzak funtsezko puntuak nabarmentzen ditu herri, historia eta ondare interesekoak direnak. Eta bakoitzean zure ibilaldia aberasten duten material interaktiboak (audioak, bideoak, gida deskargagarriak) aurkituko dituzu.

Helburua: bizimodu aktiboa sustatzea, gizarte-ehuna indartzea eta Galdakao osasunaren, historiaren eta zaintzaren ikuspegitik berrezagutzea.

Erabideko emakumeen inplikazioari esker sortu dugu ibilbide hau, Galdakaoko garapen ekonomikoan, kulturan eta gizarte-kohesioan emakumeek egindako ekarpena oroitarazten duten espazioak eta lekuak goraipatzea, ikusaraztea eta indartzea helburu duena.

Isiltasun historikoa hausteko bide bat da, eredu positiboak sortzeko eta ekitatea eta justizia soziala bermatzen joateko, eguneroko erresistentziei eta oraindik aurrera doazen borrokei ahotsa emanez.

Izendatzea emakumeen lana aitortzea da.